கொத்துகறி கோலா உருண்டை

தேவையானவை :

கொத்துகறி - 1/2 கிலோ

துருவிய தேங்காய் - 2 கோப்பைகள்

பொட்டுக்கடலை -- 100 கிராம்

சின்ன வெங்காயம் -- 15

இஞ்சி -- 1 அங்குலம்

பூண்டு -- 6 அல்லது 7 பல்கள்

பட்டை -- 1 அங்குலம்

கிராம்பு -- 3 அல்லது 4

ஏலக்காய் -- 2

கல்பாசி - சிறிதளவு

பச்சைமிளகாய் -- 2

மிளகாய்த் தூள் -- 3 தேக்கரண்டி

எலுமிச்சை பழம் -- 1

மஞ்சள் தூள் -- 1/2 தேக்கரண்டி

எண்ணெய் -- 2 கோப்பைகள்

முட்டை -- 1

உப்பு -- தேவைக்கேற்ப


செய்முறை :

கறியை கழுவி சுத்தம் செய்து தண்ணீர் இல்லாமல் நன்றாக பிழிந்து தனியே வைக்கவும் . சின்னவெங்காயத்தை பொடியாக நறுக்கவும் . அடுப்பில் ஒரு வாணலியை வைத்து சிறிதளவு எண்ணெய் சேர்க்கவும் . அதில் தேங்காய் , பச்சைமிளகாய் , பட்டை , கிராம்பு , ஏலக்காய் , கல்பாசி , இஞ்சி , பூண்டு இவை அனைத்தையும் நன்றாக வதக்கவேண்டும் . பின்னர் சின்ன வெங்காயத்தையும் , பொட்டுக்கடலையையும் தனித்தனியே வதக்கவேண்டும் . இத்துடன் கரியையும் சேர்த்து நன்றாக அரைக்கவும் . நன்கு மசிந்தவுடன் எடுத்து அதனுடன் உப்பு , மிளகாய்த் தூள் , மஞ்சள் தூள் , எலுமிச்சை சாறு , முட்டை இவற்றை சேர்த்து பிசைந்து சிறிய உருண்டைகளாக உருட்டி எண்ணையில் பொன்னிறமாக பொரித்து எடுக்கவும் .
குழந்தைகள் மிகவும் விரும்பி உண்பார்கள் .